Kombëtarja e Kosova nuk ka pasur përkrahje vetëm nga tifozët shqiptarë në përballjen e zhvilluar në Bratisllava, por edhe nga tifozë ndërkombëtarë.
Gjatë ndeshjes, në tribunat e stadiumit janë vërejtur edhe tifozë nga Anglia, të cilët kanë mbështetur “Dardanët”, duke krijuar një atmosferë edhe më të veçantë për ekipin kosovar.
Pamjet e publikuara tregojnë praninë e këtyre tifozëve, të cilët i janë bashkuar përkrahjes për Kosovën në një ndeshje me rëndësi historike.
Ky moment dëshmon se përkrahja për Kosovën po kalon kufijtë dhe po fiton simpati edhe nga tifozë të vendeve të tjera, duke e bërë suksesin e “Dardanëve” edhe më domethënës në arenën ndërkombëtare.
