Largimi i Igli Tares nga Milani po bëhet një mundësi gjithnjë e më reale. Sipas gazetarit italian Nicolò Schira, drejtuesit e klubit kuqezi nuk janë plotësisht të bindur me punën e drejtorit sportiv shqiptar gjatë dy afateve të fundit kalimtare dhe në fund të sezonit mund të ndodhë ndarja.
Në të njëjtën kohë, emri që po përmendet më shumë si zëvendësues i mundshëm është ai i Tony D’Amico, aktualisht drejtor sportiv te Atalanta BC. Ai vlerësohet shumë nga drejtuesit e AC Milan dhe shihet si një profil i përshtatshëm për projektin e ri sportiv.
Igli Tare kishte firmosur kontratë me Milanin deri në vitin 2027, ndërsa gjatë merkatos së fundit klubi investoi rreth 165 milionë euro për afrimet e Christopher Nkunku, Ardon Jasharit, Samuele Riccit, Estupinanit, Rabiotit dhe emrave të tjerë të rëndësishëm. Megjithatë, duket se rezultatet dhe strategjia sportive nuk i kanë bindur plotësisht drejtuesit kuqezinj.
