Kriza e AC Milan në kampionatin italian ka arritur një pikë alarmante, duke hyrë në histori me një statistikë negative që nuk ishte regjistruar më parë në dekada.
Kuqezinjtë kanë shënuar vetëm një gol në pesë ndeshjet e fundit në Serie A, një shifër që pasqyron qartë problemet serioze në repartin ofensiv.
Goli i vetëm në këtë seri erdhi nga Adrien Rabiot në përballjen ndaj Hellas Verona, ndërsa në katër ndeshjet e tjera – kundër Napoli, Udinese, Juventus dhe Sassuolo – Milani nuk arriti të gjejë rrugën e rrjetës.
Barazimi i fundit ndaj Sassuolos vetëm sa e konfirmoi këtë rekord negativ, duke thelluar krizën e skuadrës dhe duke ngritur pikëpyetje të mëdha për formën aktuale.
Mungesa e efikasitetit në sulm është shndërruar në problemin kryesor të ekipit, i cili pavarësisht historisë së pasur dhe pritshmërive të larta, po kalon një nga periudhat më të dobëta në aspektin ofensiv.
Në këto kushte, pritet që drejtuesit e klubit të reagojnë në merkato, me synimin për të përforcuar repartin sulmues dhe për të ndryshuar kursin e sezonit.
