Vedat Muriqi me Mallorcan kanë arritur një fitore shumë të rëndësishme në garën për mbijetesë në La Liga.
Mallorca triumfoi 1:0 në udhëtim te Girona, në një përballje direkte për qëndrim në elitën e futbollit spanjoll.
Golin e vetëm të ndeshjes e realizoi Samu Costa në minutën e 43-të, pas një aksioni ku Muriqi ishte i pozicionuar në zonë dhe tërhoqi vëmendjen e mbrojtjes vendase.
Sulmuesit të Kosovës iu mohua një gol në minutën e 32-të, pasi Vitor Reis largoi topin nga vija e portës.
Muriqi ishte aktiv gjatë gjithë ndeshjes dhe e kompletoi takimin. Ai mbetet ndër golashënuesit më të mirë të La Ligas këtë sezon, me 21 gola, pas Kylian Mbappes.
Me këtë fitore, Mallorca ngjitet në vendin e 15-të me 38 pikë, aq sa ka edhe Girona në pozitën e 16-të.
