Nata para sfidës së madhe në Ligën e Kampionëve është shoqëruar me tensione jashtë fushës, pasi tifozët e Bayern Munich kanë tentuar të shqetësojnë lojtarët e Real Madrid.
Sipas raportimeve të mediave spanjolle, një grup tifozësh të Bayern Munich kanë hedhur fishekzjarre pranë hotelit ku ishte akomoduar skuadra e Real Madrid, me qëllim që të prishnin gjumin dhe përgatitjen e lojtarëve madrilenë.
Ngjarja ka ndodhur gjatë orëve të vona të natës, duke krijuar zhurmë të madhe dhe duke shkaktuar tension në ambientet përreth hotelit. Autoritetet lokale kanë ndërhyrë për të qetësuar situatën, ndërsa nuk raportohet për incidente të tjera apo për dëme serioze.
Ky veprim konsiderohet si një tentativë për të ndikuar psikologjikisht te skuadra e Real Madrid përpara përballjes së rëndësishme ndaj gjigantit gjerman në Ligën e Kampionëve.
Megjithatë, mbetet për t’u parë nëse kjo situatë do të ketë ndikim në performancën e lojtarëve në fushë, në një duel që pritet të jetë ndër më të fortët e këtij edicioni.
