Kombëtarja e Kosovës përjetoi një mbrëmje të dhimbshme, pasi humbi shansin historik për kualifikim në Kupa e Botës FIFA 2026.
“Dardanët” ishin vetëm një hap larg realizimit të ëndrrës, por në finalen e “play-off”-it u mposhtën 1-0 nga Turqia, duke lënë gjithçka në prag të historisë.
Megjithatë, rrugëtimi nuk përfundon këtu. Synimi i radhës për Kosovën tashmë është kualifikimi në Kampionati Evropian UEFA 2028, i cili do të organizohet nga Anglia, Skocia, Uellsi dhe Irlanda.
Aktualisht, shorti për kualifikueset e Evropianit nuk është hedhur ende, pasi paraprakisht do të zhvillohen ndeshjet e UEFA Nations League, ku Kosova do të kërkojë të ndërtojë një tjetër rrugë drejt suksesit.
Kosova është pjesë e Grupit 3 në Ligën B, ku do të përballet me Austrinë, Izraelin dhe Irlandën.
Ndeshjet e këtij kompeticioni do të zhvillohen nga muaji shtator deri në nëntor, duke i dhënë “Dardanëve” një tjetër mundësi për të dëshmuar progresin dhe për të mbajtur gjallë ëndrrën e madhe për pjesëmarrje në një turne madhor.
