Formacionet e javës janë bërë tashmë traditë në të gjitha ligat evropiane, por këtë herë vëmendja bie te kampionati serb, ku një shqiptar është përzgjedhur në ekipin më të mirë të javës.
Bëhet fjalë për Driton Camajn, shqiptarin nga Mali i Zi, që aktivizohet te Novi Pazar. Mesfushori sulmues ka shkëlqyer në ndeshjen e fundit ndaj Spartak Suboticës, ku shënoi dy gola dhe ndihmoi skuadrën e tij të arrijë një barazim 2-2.
Performanca e Camajt nuk kaloi pa u vlerësuar nga mediat serbe, të cilat e përfshinë në formacionin e javës, duke e konfirmuar si një nga lojtarët më të dalluar të kampionatit.
Ky është një tjetër sukses për futbollin shqiptar jashtë vendit, që tregon cilësinë dhe potencialin e lojtarëve tanë në ligat e huaja.
