Gjilani ka realizuar një përmbysje të madhe ndaj Prishtina e Re, duke triumfuar me rezultat 2-1 në një sfidë shumë të luftuar.
Vendasit kaluan të parët në avantazh me golin e Cheick Doucoure, por Gjilani reagoi fuqishëm duke përmbysur gjithçka në pjesën e mbetur të ndeshjes.
Për ekipin mysafir realizuan Robert Rrahmani dhe Senad Jarovic, të cilët siguruan tri pikë shumë të vlefshme për skuadrën e tyre.
Me këtë fitore, Gjilani ngjitet në vendin e tretë me 42 pikë, duke forcuar ambiciet për një vend në garat evropiane. Në anën tjetër, Prishtina e Re mbetet në fund të tabelës me 24 pikë, duke vështirësuar gjithnjë e më shumë situatën e saj.
