Milot Rashica ka dhënë kontribut të rëndësishëm në kualifikimin e Beshiktashit në gjysmëfinale të Kupës së Turqisë. Futbollisti kosovar u inkuadrua në lojë në minutën e 65-të në ndeshjen çerekfinale dhe ndikoi drejtpërdrejt në rezultatin final.
Beshiktashi triumfoi bindshëm me rezultat 3:0 ndaj Alanyasporit, duke siguruar një vend në mesin e katër skuadrave më të mira të garës.
Rashica asistoi në golin e tretë të skuadrës së tij në minutën e 85-të, kur Orkun Kokcu vulosi fitoren. Para tij, skuadra kishte krijuar epërsi të sigurt, ndërsa në fund të ndeshjes u aktivizua edhe Kristjan Asllani. Ndërkohë, Florent Hadërgjonaj ishte pjesë e skuadrës kundërshtare, por nuk arriti të ndikojë në rezultat.
Në gjysmëfinale, Beshiktashi do të përballet me Konyasporin, që eliminoi Fenerbahçen, duke premtuar një duel tjetër të fortë në Kupën e Turqisë.
