Sulmuesi i talentuar nga Gjakova, Erjon Gashi, është rikthyer zyrtarisht te Vëllaznimi i Gjakovës, duke rritur ndjeshëm pritshmëritë për repartin ofensiv të skuadrës kuqezi. Gashi pritet të jetë një nga emrat kryesorë të ekipit dhe të shpërthejë me gola në vazhdim të sezonit.
18-vjeçari vjen pas një forme të jashtëzakonshme gjatë huazimit te Rahoveci, ku në vetëm 7 ndeshje ka shënuar plot 13 gola, një statistikë që ka tërhequr vëmendjen e shumë klubeve.
Falë paraqitjeve të tij mbresëlënëse, Erjon Gashi ka oferta konkrete si nga brenda Kosovës, ashtu edhe nga jashtë saj, duke konfirmuar potencialin e madh dhe perspektivën premtuese që e shoqëron sulmuesin gjakovar.
Rikthimi i tij te Vëllaznimi shihet si një përforcim i madh për skuadrën, e cila tashmë ka në dispozicion një sulmues në super formë, të gatshëm të bëjë diferencën në çdo ndeshje.
