Rrjeti po “zien” sërish nga aludimet për rikthimin e fenomenit të “Big Brother VIP 2”, Luiz Ejlli, në një format të madh televiziv. Zërat e fundit e lidhin emrin e tij me një rol të rëndësishëm në sezonin e ri të spektaklit “Ferma VIP”, i cili pritet të nisë së shpejti transmetimin në Vizion Plus.
Sipas thashethemeve që po qarkullojnë me shpejtësi në rrjetet sociale, Luizi përflitet se mund të marrë rolin e “Kryeplakut” të fermës, një pozicion kyç që do t’i jepte atij autoritet mbi konkurrentët dhe ndikim të drejtpërdrejtë në dinamikat e lojës.
Por surprizat nuk mbarojnë këtu. Vëmendja është përqendruar edhe te moderimi i spektaklit, ku përflitet se prezantimin mund ta marrë Arbana Osmani, një nga figurat më ikonike të ekranit shqiptar.
Pas largimit të saj nga një format rival, emri i Arbanës është përmendur shpesh për projekte të mëdha televizive, ndërsa një bashkim i mundshëm me Luiz Ejllin në të njëjtin ekran po konsiderohet nga fansat si një lëvizje e fortë që mund të dominojë audiencën e këtij sezoni.
Megjithatë, deri më tani asgjë nuk është konfirmuar zyrtarisht nga produksioni apo protagonistët. Pavarësisht kësaj, pritshmëritë janë të mëdha dhe publiku është i bindur se, nëse ky skenar bëhet realitet, “Ferma VIP” mund të shndërrohet në spektaklin më të ndjekur të sezonit.
