Boksieri shqiptar Roberto Bakaj po përgatitet për rikthimin në ring, ku do të zhvillojë ndeshjen e tij të 16-të në boksin profesionist. Kundërshtari i tij këtë herë do të jetë boksieri kolumbian Brayan Santander, duke e bërë këtë sfidë një test të vërtetë për kampionin tonë.
“Të shtunën zhvilloj ndeshjen time të 16-të në boksin profesionist. I ftoj të gjithë biznesmenët dhe ata që kanë mundësi të bashkohen në mbështetje si sponsor në këtë ndeshje timen,” – deklaron Bakaj.
Përballja me Santander pritet të jetë një provë e rëndësishme për Bakajn, i cili synon të vazhdojë rrugëtimin e tij me fitore dhe të forcojë pozitat në arenën ndërkombëtare.
