Bernardo Silva është bërë zyrtarisht futbollisti më i suksesshëm në historinë e Manchester Cityt, duke vendosur një rekord të ri për më së shumti fitore me klubin anglez. Mesfushori portugez arriti këtë arritje pas triumfit 1:0 ndaj Burnleyt, duke kaluar legjendën David Silva.
Me këtë fitore, Bernardo Silva regjistroi fitoren e 215-të në Premier League me “qytetarët”, duke u bërë lojtari me më së shumti suksese në historinë e klubit në elitën angleze. Ai iu bashkua Cityt në vitin 2017 nga Monaco dhe që atëherë ka qenë një nga figurat kyçe të skuadrës.
Statistikat e tij janë mbresëlënëse: në total ka 453 paraqitje për Manchester Cityn, prej të cilave 299 në Premier League. Përqindja e fitoreve të tij arrin në 72%, një tregues i qartë i ndikimit të madh që ka pasur në sukseset e ekipit.
Përveç rekordit të fitoreve, Silva renditet edhe ndër lojtarët me më shumë paraqitje në historinë e klubit, duke konfirmuar statusin e tij si një nga emrat më të rëndësishëm në epokën moderne të Manchester Cityt.
