Kristjan Asllani po tregon formë të lartë në Superligën turke. Mesfushori shqiptar ishte protagonist në ndeshjen e javës së 23-të, ku Besiktasi mposhti Goztepen, duke siguruar tri pikët e radhës.
Gol i dytë i Besiktasit erdhi pas një aksioni të mrekullueshëm të ndërtuar nga Asllani, i cili tregoi vizion dhe kreativitet në mesfushë.
Në fund, ai shërbeu një asist të saktë, duke i dhënë mundësinë shokut të skuadrës të shënojë dhe duke regjistruar asistin e parë personal në ligë këtë sezon.
Paraqitja e Asllanit është një tjetër dëshmi e ndikimit të tij në Besiktas dhe e rritjes së rolit që mesfushori shqiptar ka në skuadër, duke qenë një nga lojtarët vendimtarë në fazën ofensive dhe një element kyç për sezonin e ekipit turk.
