Bayern Munich ka marrë një lajm tejet pozitiv në prag të sfidave vendimtare në Liga e Kampionëve, pasi Harry Kane është rikthyer në stërvitje pas lëndimit.
Sulmuesi anglez u pa në seancën e fundit stërvitore në Mynih të hënën, duke lënë pas problemet me kyçin e këmbës që e kishin mbajtur jashtë fushës për një periudhë.
Sipas raportimeve, nëse nuk ka ndonjë komplikim të papritur, Kane pritet të jetë i gatshëm për përballjen e madhe ndaj Real Madrid, duke rritur ndjeshëm optimizmin në kampin bavarez. Forma e tij këtë sezon në Champions League ka qenë mbresëlënëse, me plot 10 gola të realizuar, duke dëshmuar rolin kyç që ka në repartin ofensiv të Bayernit.
