Talenti i Bayern Munichut, Erblin Osmani, ka vizituar Federatën e Futbollit të Kosovës dhe stadiumin “Fadil Vokrri” në Prishtinë.
Futbollisti i ri, i cili ndodhet në Kosovë për pushimet e verës, është takuar me kryetarin e FFK-së, Agim Ademi, ndërsa më pas ka ndjekur nga afër edhe stërvitjen e Përfaqësueses së Kosovës.
Federata e Futbollit e Kosovës e ka vlerësuar vizitën e Osmanit si dëshmi të lidhjes së fortë mes talenteve kosovarë që po zhvillohen në futbollin evropian dhe rrënjëve të tyre në vendlindje.
Sipas FFK-së, Erblin Osmani është pjesë e gjeneratës së re që po e çon emrin e Kosovës në nivele të larta të futbollit ndërkombëtar.
Federata i ka uruar talentit të Bayern Munichut suksese të vazhdueshme dhe arritje të mëdha në karrierën e tij.
