Legjenda e futbollit holandez dhe ish-ylli i Milanit, Marco Van Basten, ka leshuar kritika te forta ndaj drejtimit aktual te futbollit italian, duke fajësuar pronaret e huaj per renien e Serie A dhe humbjen e identitetit te klubeve historike.
Ne nje interviste per mediat italiane gjate promovimit te librit te tij “50 ndeshje, emocione pafund, Milani”, Van Basten deklaroi se klubet italiane po humbasin lidhjen me historine dhe traditen e tyre.
“Ka shume pronare te huaj ne Itali qe nuk kane lidhje me historine e klubeve dhe as interes real per to. Futbolli italian duhet te rikthehet ne duart e italianeve nese deshiron te rikthehet ne maje te Europes”, deklaroi ish-fituesi i Topit te Arte.
Van Basten u ndal veçanerisht te situata e Milanit, klub me te cilin fitoi gjithcka ne fundin e viteve ’80 dhe fillimin e viteve ’90.
“Milani nuk eshte me ai qe ka qene dikur. Shpresoj ta rimarre veten shpejt, sepse sot Inter dominon ne Itali dhe kjo nuk me pelqen aspak”, tha ai.
Ish-sulmuesi legjendar foli edhe per krizen e kombetares italiane, duke theksuar se Italise po i mungojne figurat e medha qe dikur dominonin futbollin boteror.
“Italia gjithmone ka pasur nje portier te madh, nje mbrojtes te madh, nje mesfushor te madh dhe nje sulmues te madh. Sot eshte e veshtire t’i gjesh”, u shpreh Van Basten.
Ne fund, holandezi tregoi se ne Kupen e Botes do te mbeshtese Holanden, por ne rast eliminimi do te beje tifo per Brazilin e Carlo Ancelottit.
