Besiktas ka konfirmuar huazimin e mesfushorit shqiptar Kristjan Asllani nga Interi, me opsion blerjeje.
Ylli shqiptar ndërpreu bashkëpunimin me Torinon për shkak të minutazhit të ulët, dhe Besiktasi arriti ta bindë të ndryshojë kampionat, duke u bërë pjesë e ekipit turk për sezonin aktual.
Përmes një komunikate zyrtare, gjiganti turk bëri të ditur: “Mirë se vjen Kristjan Asllani te Besiktasi. Marrëveshja është arritur me Interin për transferimin e futbollistit Kristjan Asllani deri në fundin e sezonit 2025/26. Sipas marrëveshjes, ekziston një opsion blerje nga klubi. I urojmë suksese Kristjan Asllanit në uniformën tonë.”
Asllani pritet të jetë bashkëlojtar me Milot Rashicën, duke forcuar mesfushën e “Kuq e Zi”-ve dhe duke sjellë më shumë alternativë për trajnerin.
Ky transferim shënon një hap të ri në karrierën e Asllanit, i cili do të ketë mundësi për të fituar minuta të rregullta dhe për të treguar potencialin e tij në një kampionat konkurrues si ai turk.
