Al Hilal ka zyrtarizuar rinovimin e kontratës me mesfushorin portugez Rúben Neves, duke konfirmuar vazhdimin e bashkëpunimit mes palëve.
28-vjeçari iu bashkua klubit saudit në vitin 2023, pas transferimit nga Wolverhampton Wanderers, ndërsa kontrata e tij e mëparshme skadonte në fund të këtij sezoni. Megjithatë, Neves ka vendosur të zgjasë qëndrimin e tij në Riad, duke nënshkruar një kontratë të re trevjeçare.
Sipas marrëveshjes së re, mesfushori portugez do të përfitojë edhe një përmirësim të ndjeshëm financiar, duke reflektuar rolin e rëndësishëm që ka pasur në skuadër.
Gjatë tre sezoneve me fanellën e Al Hilal, Rúben Neves ka zhvilluar 121 ndeshje zyrtare, duke realizuar 19 gola, statistikë që konfirmon ndikimin e tij si në aspektin defensiv, ashtu edhe në atë ofensiv.
Rinovimi i kontratës së Neves përforcon ambiciet e Al Hilal për të vazhduar dominimin në garat vendore dhe kontinentale.
