Komisioni i Disiplinës i FIFA-s ka dënuar me tre ndeshje pezullim futbollistin e Afrikës së Jugut, Themba Zwane, pas kartonit të kuq direkt që mori në ndeshjen hapëse të Kupës së Botës 2026 ndaj Meksikës.
Sipas vendimit të FIFA-s, Zwane është ndëshkuar për shkelje të nenit 14, paragrafi 1, pika “e” të Kodit Disiplinor, që lidhet me lojën shumë të ashpër në fushën e lojës.
Rregullorja parashikon të paktën dy ndeshje pezullim për raste të tilla, por Komisioni vendosi ta rrisë dënimin në tre takime.
Federata e Futbollit e Afrikës së Jugut ka të drejtë ankese në Komisionin e Apelit të FIFA-s, me shpresën për ta zbutur sanksionin.
Nëse pezullimi mbetet në fuqi, atëherë Botërori mund të konsiderohet i përfunduar për Zwane, pasi ai do të mund të rikthehej në fushë vetëm në rast se Afrika e Jugut arrin deri në çerekfinale të turneut.
