SC Gjilani ka marrë një fitore të rëndësishme në javën e 23-të të Superliga e Kosovës, duke triumfuar si mysafir ndaj KF Ferizaj me rezultat 1:2.
Ndeshja e zhvilluar në stadiumin me bari sintetik në Ferizaj solli një duel të luftuar, por në fund ishin mysafirët nga Gjilani që dolën më të suksesshëm. Golat për skuadrën “bardhekuq” u realizuan nga Armend Thaqi dhe Senad Jarovic, të cilët i siguruan ekipit të tyre tri pikë të rëndësishme.
Nga ana tjetër, golin e vetëm për vendasit e shënoi Oguns. Falë këtij triumfi, Gjilani arrin në kuotën e 36 pikëve dhe renditet në pozitën e pestë në tabelë, duke mbetur në garë për një vend që siguron pjesëmarrjen në garat evropiane.
Ndërkohë, Ferizaj mbetet me 23 pikë dhe vazhdon të jetë në zonën e “play-off”-it për mbijetesë.
