Mbrojtësi i Kombëtares së Kosovës, Amir Rrahmani, pritet të jetë sërish në dispozicion të trajnerit të Napolit, Antonio Conte, për ndeshjen e radhës në Serie A ndaj Fiorentinës.
Pas një periudhe mungese, qendërmbrojtësi kosovar ka lënë pas problemet fizike dhe është rikthyer në stërvitje të plota me skuadrën, duke rritur ndjeshëm opsionet e Contes në repartin defensiv.
Rrahmani konsiderohet një nga shtyllat e mbrojtjes së Napolit dhe rikthimi i tij vjen në një moment të rëndësishëm të sezonit, teksa ekipi synon rezultate pozitive në kampionat.
Ndeshja ndaj Fiorentinës pritet të jetë një test i rëndësishëm për napolitanët, ndërsa prania e Rrahmanit në dispozicion përforcon sigurinë në prapavijë.
