Arbër Zeneli e ka nisur në mënyrë fantastike sezonin e ri në Suedi, duke qenë protagonist në fitoren 4:0 të IF Elfsborg ndaj Helsingborgs IF në kuadër të Svenska Cupen. Futbollisti kosovar realizoi dy gola dhe dhuroi një asist, duke udhëhequr skuadrën e tij drejt një nisjeje të përkryer.
Gjatë janarit, Zeneli kishte marrë oferta nga Arabia dhe ishte shumë pranë largimit, por në fund vendosi të vazhdojë karrierën në Suedi – një vendim që po dëshmohet i qëlluar që në start.
Ndryshe, sezoni në Suedi hapet me ndeshjet e Kupës, ndërsa kampionati elitar Allsvenskan fillon në mars dhe përfundon në nëntor, duke u zhvilluar brenda një viti kalendarik.
