FC Basel ka nderuar Xherdan Shaqirin për paraqitjen e tij të 200-të me fanellën e klubit zviceran, duke vlerësuar kontributin dhe rëndësinë e tij në historinë e skuadrës.
Me fanellën e Baselit, Shaqiri ka realizuar 58 gola dhe ka dhuruar 62 asistime, statistika që dëshmojnë ndikimin e madh të tij në sukseset e klubit ndër vite.
Shaqiri është rritur në akademinë e FC Basel, ndërsa debutimin me ekipin e parë e bëri në vitin 2009, ku luajti deri në vitin 2012. Më pas, ai zhvilloi një karrierë të pasur në disa nga klubet më të njohura evropiane dhe botërore, përfshirë Bayern Munich, Inter, Stoke City, Liverpool, Lyon dhe Chicago Fire.
Pas 12 vitesh, Shaqiri u rikthye te Basel, duke luajtur një rol kyç në fitimin e titullit kampion sezonin e kaluar. Edhe këtë sezon, FC Basel mbetet një nga pretendentët kryesorë për ta fituar titullin në Zvicër, me Shaqirin si një nga liderët e skuadrës.
