Mbrojtësi i Kombëtares së Kosovës, Lumbardh Dellova, ka vendosur të mos rinovojë kontratën me klubin bullgar CSKA Sofia, duke lënë të hapur të ardhmen e tij profesionale.
Sipas burimeve pranë klubit, bisedimet për vazhdimin e bashkëpunimit mes palëve kanë qenë të hapura, megjithatë Dellova ka refuzuar ofertën për rinovim, duke preferuar të shqyrtojë opsione të tjera për karrierën e tij.
Ky vendim pritet të nxisë interesim nga klube të tjera, si brenda ashtu edhe jashtë Bullgarisë, pasi Dellova është afirmuar me paraqitje të qëndrueshme dhe ka qenë një nga lojtarët më të besueshëm në repartin defensiv të CSKA Sofias.
Mbetet të shihet se cili do të jetë destinacioni i radhës për 25-vjeçarin, teksa zhvillimet e ardhshme pritet të qartësojnë të ardhmen e tij në afatin kalimtar në vijim.
