FC Prishtina ka zyrtarizuar afrimin e Sylian Mokono, duke forcuar repartin defensiv në këtë afat kalimtar dimëror. Mbrojtësi i djathtë holandez është përforcimi më i ri i kryeqytetasve dhe pritet të sjellë cilësi dhe eksperiencë në krahun e djathtë të mbrojtjes.
26-vjeçari është produkt i akademisë së njohur të FC Utrecht, ku ka kaluar nëpër disa grupmosha deri në ekipin e parë. Në karrierën e tij, Mokono ka qenë pjesë edhe e Heracles Almelo, me të cilin u shpall kampion në ligën e dytë të Holandës, ndërsa së fundmi ka aktivizuar te VVV-Venlo.
Afrimi i Mokonos shihet si një lëvizje e rëndësishme për Prishtinën, e cila synon të rrisë konkurrencën dhe stabilitetin në mbrojtje në vazhdim të sezonit.
FC Prishtina i uron mirëseardhje Sylian Mokonos dhe shumë suksese me fanellën bardhekaltër!
