Lionel Messi vazhdon të jetë futbollisti më i paguar në MLS, duke dominuar listën e pagave në futbollin amerikan edhe për sezonin 2026. Sulmuesi argjentinas i Inter Miami CF përfiton rreth 28.3 milionë dollarë në vit, duke lënë shumë prapa yjet e tjerë të kampionatit.
Pas Messit, në listën e lojtarëve më të paguar renditet koreano-jugori Son Heung-min me 11.2 milionë dollarë, ndërsa pjesë e Top 10 janë edhe Rodrigo De Paul, Hirving Lozano dhe Miguel Almiron.
Messi, i cili rinovoi kontratën me klubin nga Miami, jo vetëm që mbetet lojtari më i paguar në MLS, por vazhdon të ketë ndikim të madh në rritjen e popullaritetit të futbollit në SHBA. Ai ka realizuar 59 gola në 64 ndeshje të sezonit të rregullt që prej transferimit të tij në vitin 2023.
Lista e lojtarëve më të paguar në MLS:
- Lionel Messi – 28.3 milionë dollarë
- Son Heung-min – 11.2 milionë dollarë
- Rodrigo De Paul – 9.7 milionë dollarë
- Hirving Lozano – 9.3 milionë dollarë
- Miguel Almiron – 7.9 milionë dollarë
- Emil Forsberg – 6 milionë dollarë
- Sam Surridge – 5.9 milionë dollarë
- Riqui Puig – 5.8 milionë dollarë
- Jonathan Bamba – 5.6 milionë dollarë
- Hany Mukhtar – 5.4 milionë dollarë
