Rikthimi i artistit është shoqëruar me një sukses të menjëhershëm. Vetëm 24 orë pas publikimit, projekti muzikor “Memories” ka hyrë zyrtarisht në listën Trending Worldwide, duke u renditur në vendin e 11-të në nivel global, një arritje e rëndësishme për tregun muzikor shqiptar.
Balada emocionale ka arritur të pozicionohet në vendin e parë në pesë shtete, përkatësisht në Gjermani, Zvicër, Austri, Shqipëri dhe Maqedoni, ndërsa njëkohësisht ka depërtuar në Top 10 edhe në vende si Franca dhe Italia.
Reagimi i publikut tregon për një lidhje të fortë emocionale me projektin, i cili është pritur me interes dhe mbështetje të madhe në platforma digjitale. Ky sukses e konfirmon rikthimin e Gjestit si një nga emrat më të ndjekur të momentit, duke i dhënë projektit një shtrirje të gjerë ndërkombëtare.
