Valon Berisha, mesfushori i Kosovës, po përgatitet të largohet nga LASK në Bundesligën austriake. Ende nuk është bërë i ditur destinacioni i tij i ardhshëm, por mediat austriake raportojnë se 32-vjeçari mund të ndryshojë ambient pas një sezoni të vështirë.
Këtë sezon, rendimenti i Berishës ka qenë i ulët, pa gola në 12 ndeshje mes kampionatit dhe Kupës.
Megjithatë, mesfushori i majtë ka vazhduar të jetë pjesë e Kombëtares së Kosovës, edhe gjatë “epokës” së trajnerit Franco Foda.
Karriera e tij ka bërë jehonë më parë me transferimin nga Salzburg te Lazio për 7.6 milionë euro, por Berisha nuk arriti të bëhej protagonist në Serie A me bardhekaltërit e kryeqytetit italian.
Largimi nga Bundesliga duket se do të jetë një mundësi për të rinisur karrierën dhe për të gjetur ritmin e duhur në futbollin profesional.
