2025-a ka qenë një vit i jashtëzakonshëm për sulmuesin shqiptar Ermir Rashica. Në shkurt të vitit të kaluar, 21-vjeçari u transferua nga Skënderbeu te Metalist 1925 në Premier League ukrainase për 300 mijë euro, duke lënë një përshtypje të fortë me paraqitjet e tij.
Sipas mediave ukrainase, Rashica ka tërhequr vëmendjen e një klubi të elitës së Ligue 1, Francë. Megjithëse nuk jepet ende emri i skuadrës, ky interesim konsiderohet një “sinjal i qartë” se sulmuesi shqiptar është gati për hapin e madh në karrierën e tij.
Sipas platformës Transfermarkt, kartoni i Rashicës është vlerësuar në 800 mijë euro, duke reflektuar rritjen e tij të shpejtë dhe potencialin e madh për të ardhmen.
