Emocionet, krenaria familjare dhe dashuria për fanellën kuqezi u bashkuan në fjalët e Taulant Xhakës, i cili ka ndarë një rrëfim të ndjerë në një intervistë për Federatën Shqiptare të Futbollit.
Mesfushori shqiptar u rikthye pas në kohë duke kujtuar debutimin e tij të parë me Kombëtaren, një moment që e përshkroi si të paharrueshëm dhe të mbushur me ndjenja të forta.
“Kisha vdek për këtë fanellë. Me shumë emocione ka qenë debutimi im i parë, me një fitore. Ka qenë si ëndërr sepse e gjithë familja ime ishte krenarë për mua”, u shpreh Xhaka.
Ai theksoi se përfaqësimi i Shqipërisë ka qenë gjithmonë një nder i jashtëzakonshëm, ndërsa çdo paraqitje me fanellën kuqezi ka pasur një domethënie të veçantë për të.
Deklaratat e Taulant Xhakës kanë ngjallur reagime të shumta te tifozët, të cilët vazhdojnë ta vlerësojnë për përkushtimin, pasionin dhe lidhjen e fortë emocionale me Kombëtaren shqiptare.
