Trajneri i Turqisë, Vincenzo Montella, ka mbajtur një fjalim të fuqishëm motivues përpara finales së “play-off”-it ndaj Kosovës, duke i përgatitur lojtarët për një nga sfidat më të rëndësishme të tyre.
Në dhomat e zhveshjes, tekniku italian theksoi rëndësinë e konsistencës dhe nivelit të lartë të performancës, duke u kërkuar futbollistëve të tij përqendrim maksimal dhe mentalitet fitues.
“Të luash mirë çdo tre ditë është diçka që i përket një niveli tjetër. Ne jemi gati për të luajtur në një nivel tjetër, të dalim në fushë dhe t’i mundim, të kthehemi në shtëpi si fitues”, ishte mesazhi i Montellës për skuadrën.
Ky fjalim duket se pati efektin e dëshiruar, pasi lojtarët turq u shfaqën të vendosur në fushë dhe arritën të triumfojnë me rezultat minimal 0:1, duke siguruar kualifikimin në Kupa e Botës FIFA 2026.
