Në orët e fundit të merkatos, emri i Edon Zhegrovës po përflitet gjithnjë e më shumë për një largim të mundshëm nga Juventusi. Futbollisti i Kosovës nuk po gjen hapësirat e nevojshme te “Zonja e Vjetër”, duke aktivizuar alarmin për të ardhmen e tij.
Zhegrova ka regjistruar 16 ndeshje dhe vetëm 319 minuta lojë, kryesisht nga stoli, pa bindur plotësisht as Igor Tudor dhe as Luciano Spalletti, përveç një ndeshjeje ku u aktivizua nga minuta e parë.
Me pak orë deri në mbylljen e afatit kalimtar dhe interes nga disa skuadra, largimi i tij mbetet skenar real. Everton u përfol, por pista angleze është mbyllur.
Gjithçka është e mundur për Zhegrovën, ndërsa merkatoja hyn në fazën e saj më të nxehtë.
