Endri ka qenë sërish në qendër të diskutimeve mes banorëve të Big Brother VIP Kosova, ku është folur për rrugëtimin e tij në muzikë dhe arsyet pse karriera e tij nuk arriti të konsolidohej në skenën muzikore.
Gjatë bisedës, banorët rikujtuan faktin se Endri e nisi muzikën në një moshë shumë të re, por më pas pati një shkëputje nga kjo rrugë për një periudhë të caktuar. Limi u shpreh se Endri kishte pasur staf dhe menaxhim të mirë, duke theksuar se ishin bërë përpjekje serioze për ndërtimin e karrierës së tij.
Megjithatë, sipas Lim-it, pavarësisht kushteve të favorshme, Endri nuk arriti të depërtonte fuqishëm në industrinë muzikore. Ai përmendi edhe artistë të tjerë nga i njëjti label, të cilët në atë periudhë kishin arritur sukses dhe afirmim në treg.
Në vijim të diskutimit, reagoi edhe Londrimi, i cili deklaroi se Endri sot njihet më shumë për një moment viral nga fillimet e karrierës së tij, konkretisht për deklaratën e famshme: “Kur kam qenë i pirë” – një shprehje që u shndërrua në “meme” dhe e shoqëroi atë për një kohë të gjatë në opinionin publik.
Diskutimi hapi debat mes banorëve për ndikimin e imazhit publik dhe deklaratave të hershme në karrierën e artistëve, veçanërisht kur ato tejkalojnë vetë punën artistike.
