Sipas raportimit të “The Touchline”, Lionel Messi ka vendosur të ndryshojë mënyrën e përgatitjes fizike te Inter Miami CF, në funksion të ruajtjes së formës dhe shëndetit për Kupën e Botës 2026. Sulmuesi argjentinas, i cili pritet të marrë pjesë në Botërorin e fundit të karrierës së tij, ka zgjedhur të menaxhojë më me kujdes ngarkesën stërvitore gjatë sezonit.
Raporti thekson se Messi do të shmangë stërvitjet me intensitet të lartë fizik dhe ato të fokusuar në shpejtësi, duke i dhënë përparësi rikuperimit dhe stabilitetit fizik. Në kuadër të këtij plani, ai do të ketë më shumë liri për të vendosur mbi aktivizimin në ndeshje, përfshirë rastet kur do të pushojë për të shmangur lodhjen e tepërt.
Ky ndryshim vjen si pjesë e një strategjie afatgjatë, ku prioritet mbetet gatishmëria e Messit për Botërorin 2026, duke synuar të reduktohet rreziku i dëmtimeve që mund ta mbajnë atë larg turneut më të rëndësishëm të futbollit botëror.
