Igli Tare pritet të largohet nga Milani në fund të sezonit, ndërsa lajmi është konfirmuar edhe nga eksperti i merkatos, Fabrizio Romano.
Sipas raportimeve nga Italia, drejtori sportiv shqiptar dhe klubi kuqezi do të ndajnë rrugët pas vetëm një viti bashkëpunim, teksa mbeten vetëm procedurat formale për mbylljen e marrëveshjes.
Raportet mes Tares dhe drejtuesve të Milanit janë krisur prej kohësh, ndërsa rezultatet zhgënjyese të skuadrës dhe merkatoja e verës së kaluar kanë ndikuar ndjeshëm në këtë vendim.
Projekti që nisi me pritshmëri të mëdha nuk arriti të japë efektet e pritura në “San Siro”, duke sjellë pakënaqësi në ambientin kuqezi.
Ndërkohë, Milani pritet të marrë vendime të rëndësishme edhe për pankinën, pasi e ardhmja e trajnerit Massimiliano Allegri vazhdon të mbetet në dyshim.
