Atmosfera në kampin e Senegalit nuk është aspak e qetë, pavarësisht se përfaqësuesja ndodhet në mes të aventurës së saj në Kupën e Botës 2026.
Sipas raportimeve nga kampi stërvitor, futbollistët po përballen me një sërë problemesh që po ndikojnë në përgatitjet e skuadrës. Pakënaqësitë lidhen kryesisht me bonuset e papaguara, ndërsa nuk mungojnë as vështirësitë logjistike.
Raportohet se kushtet e akomodimit nuk janë në nivelin e pritshëm për një përfaqësuese pjesëmarrëse në Botëror. Probleme ka edhe me ushqimin, pasi mungesa e një kuzhinieri të dedikuar ka bërë që lojtarët të porosisin ushqim nga jashtë.
Situata bëhet edhe më e pazakontë kur bëhet fjalë për trajnerin e kombëtares. Pape Thiaw vazhdon të drejtojë ekipin edhe pse, sipas raportimeve, nuk ka një kontratë aktive dhe nuk është paguar prej muajsh.
Pavarësisht turbulencave jashtë fushës, Senegali duhet të përqendrohet te sfida e radhës në Botëror. Më 23 qershor, afrikanët do të përballen me Norvegjinë në një ndeshje me peshë të madhe për objektivat e tyre në turne.
