Një autokolonë e gjatë me makina të emigrantëve shqiptarë ka përshkuar rrugët e Tiranës, për t’iu bashkuar protestës mbarëkombëtare kundër qeverisë së Edi Ramës. Pamjet tregojnë dhjetëra automjete me flamuj kuqezi.
Emigrantët, të ardhur nga vende të ndryshme ku jetojnë dhe punojnë, kanë zgjedhur të bëhen pjesë e protestës, duke iu bashkuar zërit të mijëra qytetarëve që kërkojnë ndryshim politik.
Prania e diasporës në protestë konsiderohet një mesazh solidariteti dhe mbështetjeje për protestuesit, duke treguar se jehona e pakënaqësive qytetare ka kapërcyer kufijtë e vendit dhe ka mobilizuar edhe shqiptarët që jetojnë jashtë.
