Një tjetër ndryshim i rëndësishëm mund të jetë në horizont në Kupën e Botës 2026. FIFA ka kërkuar zyrtarisht nga International Football Association Board rishikimin e procedurës së hedhjes së shortit para ekzekutimit të penalltive.
Aktualisht, para një serie penalltish zhvillohen dy hedhje monedhe: një për të përcaktuar skuadrën që gjuan e para dhe një tjetër për të vendosur portën ku do të ekzekutohen penalltitë. Të dyja konsiderohen si avantazhe të rëndësishme për ekipin që fiton shortin.
Sipas propozimit të FIFA-s, në të ardhmen do të zhvillohej vetëm një hedhje monedhe. Fituesi i shortit do të kishte të drejtën të zgjedhë ose të gjuajë i pari, ose portën ku do të zhvillohen penalltitë, ndërsa kundërshtari automatikisht do të përfitonte opsionin e mbetur.
Ideja ka ardhur pas debatit të krijuar në finalen e UEFA Champions League Final 2026, ku Arsenal humbi të dy hedhjet e shortit kundër Paris Saint-Germain, para se francezët të triumfonin në serinë e penalltive.
Nëse miratohet nga IFAB, ndryshimi mund të hyjë në fuqi shumë shpejt dhe të ndikojë drejtpërdrejt në fazën me eliminim direkt të Botërorit, ku çdo detaj mund të rezultojë vendimtar në luftën për trofeun më të madh të futbollit botëror.
