Rekordi historik i Cristiano Ronaldo në Kupën e Botës 2026 ka marrë jehonë edhe në nivelet më të larta të futbollit botëror. Pasi u bë lojtari i parë në histori që shënon në gjashtë edicione të ndryshme të Kampionatit Botëror, kapiteni i Portugalisë ka marrë urime të veçanta nga presidenti i FIFA-s.
Gianni Infantino reagoi përmes rrjeteve sociale, duke e cilësuar suksesin e Ronaldos si një “arritje të pabesueshme” dhe një moment që do të mbetet përgjithmonë në historinë e futbollit.
Presidenti i FIFA përgëzoi publikisht yllin portugez për standardin e ri të vendosur në arenën ndërkombëtare, duke theksuar rëndësinë e këtij rekordi unik në Kupën e Botës.
Në mesazhin e tij, Infantino i uroi gjithashtu Ronaldos dhe Portugal suksese në vazhdim të turneut, duke konfirmuar edhe një herë vlerësimin e madh që institucioni më i lartë i futbollit ka për karrierën dhe arritjet e njërit prej lojtarëve më të mëdhenj të të gjitha kohërave.
Me golin e shënuar në Botërorin 2026, Ronaldo ka shtuar një tjetër kapitull të artë në karrierën e tij legjendare, duke vendosur një rekord që deri më tani dukej i paarritshëm në futbollin botëror.
